Më herët gjatë këtij viti Electronic Arts bashkoi Origin Access dhe EA Access së bashku dhe i quajti kolektivisht si EA Play. Tani ka ardhur rradha e Ubisoft. Kompania njoftoi se Uplay dhe Ubisoft Club do të shkrihen me njëra-tjetrn në një entitet të quajtur Ubisoft Connect. Ky i fundit do të vijë live me lançimin e Watch Dogs Legion.
Si me rastin e Uplay, Ubisoft Connect është falas dhe do të jetë e aksesueshme përmes adresës suaj të Ubisoft. Ajo do të ofrojë një program me rewards, në mënyrë të ngjashme me atë që është i disponueshëm tani në Uplay. Club Units ekzistuese dhe XP do të kalohen në Ubisoft Connect, por jo të gjitha lojërat do të bëjnë të njejtën gjë.
Ndryshimi më i dallueshëm është prezantimi i crossplay dhe cross-progression në “lojëra të caktuara”. Pra lojtarët në PC dhe konsola do të mund të luajnë së bashku dhe informacionet e tyre do të kalohen nga një platformë te tjetra. Ndaj, nëse po luani në PlayStation 5, mund të kaloni në PC dhe thjesht të vazhdoni aty ku e latë.
Cross-progression do të jetë i disponueshëm për Watch Dogs Legion, Hyper Scape, Assassin’s Creed Valhalla, Immortals Fenyx Rising dhe Riders Republic, por Ubisoft tha se synon që ta sjellë në shumicën e lojërave që janë multiplayer së shpejti.