Pas trailerit të fundit të Sony në State of Play, mbi lançimet e ardhshme që do të vijnë në PS5, fansat e Grand Theft Auto kanë mbetur të shqetësuar nëse upgrade-i i GTA 5 për PS5 do të vijë në kohë apo jo.
A është vonuar GTA 5 për PS5?
Fillimisht Sony dhe Rockstar njoftuan se versioni i zgjeruar i GTA 5 do të vinte në PS5 në “gjysmën e dytë të 2021”. Nuk ka një datë ekzakte, por për shumë lojtarë kjo u përkufizua si fundi i verës.
Gjithsesi, pas eventit të fundit të State of Play të PS5, fansat kanë shprehur shqetësimet e tyre për një vonesë të mundshme. Kjo pasi GTA 5 nuk ishte në videon që tregonte lançimet e ardhshme për konsolën.