Me lançimin e Xbox Series X, Gearbox ka lëshuar sot upgrade-in e gjeneratës së ardhshme të Borderlands 3; një përditësim falas të cilin lojtarët mund ta shkarkojnë për t’i bërë boost lojës në konsolat e gjeneratës së ardhshme. Upgrade-i është i disponueshëm nga sot në Xbox Series X dhe do të jetë i disponueshëm në PS5 sapo të dalë në treg më vonë këtë muaj.
"Borderlands 3 është optimizuar plotësisht për të përfituar nga fuqia e përpunimit të konsolave të gjeneratës së ardhshme", shkruan Gearbox; “Duke sjellë një nivel të ri të nivelit grafik në universin e Borderlands. Tani mund të shijoni Borderlands 3 me 60 frames për sekondë në rezolucion 4K gjatë single=player dhe online në Xbox Series X dhe PlayStation 5. Konsolat e gjeneratës tjetër gjithashtu mbështesin multiplayer lokal me split-screen me tre dhe katër lojtarë"
Upgrade i gjeneratës së ardhshme të Borderlands 3 fillon sot së bashku me një varg editions dhe përmbajtjesh të reja. Borderlands 3 Ultimate Edition dhe Next-Level Edition gjithashtu dalin sot, si dhe Designer’s Cut DLC e re. Sezoni i dytë i lojës është gjithashtu në dispozicion nga sot, duke lejuar lojtarët të marrin një ulje në dy expansions e reja në Season 2.
Çdo lojtar që tashmë zotëron Borderlands 3 në PS4 ose Xbox One që blen një konsol të gjeneratës së ardhshme mund ta përmirësojë lojën falas. (Vini re se ky upgrade është falas vetëm nëse qëndroni në të njëjtën familje të konsolave; dmth. nëse keni lojë në Xbox One dhe blini një PS5, nuk do të jetë i disponueshëm falas.)
Nëse keni disk fizik të lojës, sigurisht që do të duhet një konsolë next-gen me disk. Përveç upgrade-it, do të jesh në gjendje të mbartësh të gjithë progresin dhe përmbajtjen tënde të DLC-së.
Si pjesë e një upgrade-i të veçantë i cili është live nga sot në të gjitha konsolat, Borderlands 3 tani ofron split-screen për multiplayer lokal me dy lojtarë. Kjo është në dispozicion si në konsolat e gjeneratës aktuale dhe ato të gjeneratës tjetër.