Update i Wukong do të vijë në League of Legends përpara 2020

Rework-u i Wukong pritet të vijë së shpejti në PBE

Me preseason në League of Legends që tashmë është shumë afër, Riot Games ka vendosur të hedhë sytë sërish nga rework-u i Wukong dhe ka plane ta lançojë atë në lojë përpara fundit të këtij viti.

Dizenjuesi i kampionëve Nathan “Lutzburg” Lutz postoi një update për rework-un duke dhënë një listë ndryshimesh që do të vijnë së shpejti për Wukong. Ndryshimet janë bërë pas testimeve fillestare të update-it në maj.

“Duam ta përdorim këtë mundësi për të përmirësuar Wukong dhe për t’i dhënë atij disa mjete të reja për të qënë i suksesshëm në Season 10 dhe më tej,” – tha Riot Lutzburg. “Këto mjete do të përfshijnë disa build path të reja që fokusohen më shumë në rezistencë, si dhe mënyra të reja për të përdorur shkathtësinë dhe hilet e tij.”

Si pasive, Wukong tani merr rezistencë ekstra kur është pranë 3 ose më shumë kampionëve kundërshtar. Gjithashtu, ai do të marrë attack range bonus pasi përdor një aftësi. Q e Wukong tashmë bën më pak physical damage por bën magic damage dhe e bën heal Wukong. Gjithashtu, Wukong dhe klonet e tij bëjnë stacks tek kundërshtarët që godasin, të cilat rrisin damage me një përqindje.

Me W, Wukong kërcen në një pozicion të caktuar dhe lë mbrapa një klon. Kloni zgjat disa sekonda dhe nuk mund të lëvizë, por godet kundërshtarët pranë për 50% të dëmit. Të njëjtën gjë bën dhe E, që lë një klon pasi kërcen tek një kundërshtarët. Klonët mund të shënjestrohen dhe mund të ndalojnë aftësitë e kundërshtarit.

Ultimate i Wukong ka ngelur përgjithësisht njësoj, por tashmë ai mund të ndalohet në qoftë se Wukong përdor një aftësi tjetër.

Lutzburg thotë se këto ndryshime mund të ndryshohen pak, por koncepti i përgjithshëm do të mbetet njësoj. Edhe pse Riot ende nuk ka dhënë një date ekzakte se kur ndryshimet e Wukong do të vijnë në PBE, me shumë mundësi ato do të mund të testohen nga fansat së shpejti. Versioni përfundimtar i Wukong pritet të vijë në lojë përpara përfundimit të këtij viti.