Update i ri i PUBG Mobile sjell kafshë shtëpiake, zombi dhe më shumë

Update-i beta v0.12.0 sjell disa ndryshime në lojë

Versioni më i fundit i PUBG Mobile, tashmë në beta, mbase nuk është aq i pasur sa paraardhësi, por gjithsesi sjell disa ndryshime interesante. Update më i fundit sjell kafshë shtëpiake si shoqëruese, një Zombie mode të quajtur “Darkest Night” dhe ndryshime në “Survive Till Dawn“. Gjithashtu, në lojë vjen një armë RPG e re, granata me azot të lëngshëm, karikatorë dysh, zombi të rinj dhe më shumë. Më poshtë mund të gjeni disa prej ndryshimeve:

1. Mugen Space/Infinity zëvëndëson event mode dhe tashmë përfshin Darkest Night, ku ekipet duhet të luftojnë për një natë zombit e të gjitha ekipet që mbeten gjallë fitojnë.
2. Ju mund të merrni një kafshë shtëpiake në betejë. Kundërshtarët nuk mund t’i shikojnë ato e kafshët mund të fitojnë nivele për të hapur emotes të reja për to.
3. Në Survive Till Dawn, janë shtuar disa armë të reja si granata me azot të lëngshëm dhe RPG-7, por dhe janë bërë disa ndryshime në lidhje me balancën e lojës. Gjithashtu, zombit tani mund të kërcejnë e të kalojnë mure të ulëta.
4. Ka dhe një numër bug fix-esh, të lidhura me probleme grafike por edhe të gameplay-t të lojës.

Loja gjithashtu ju jep mundësinë të personalizoni crosshair-et e Red Dot, Holo-Sight dhe zoom-it 2X dhe 3X, por edhe të crosshair-it normal kur gjuan në këmbë. Ju mund t’a shkarkoni këtë beta në këtë link