Një update i madh pritet që të vijë së shpejti në CSGO

Zhvilluesit e CSGO së fundmi po testojnë një server për CSGO beta duke na lënë të dyshojmë se një ndryshim i madh në CSGO do të vijë në një të ardhme të afërt.

Përvec update të zakonshme dhe rregullimeve të bugs, Valve gjatë kohëve të fundit nuk ka sjellë ndonjë update i cili ka sjellë ndryshime në lojë ose ka sjellë përmirësime në të. Bashkë me zbulimin se zhvilluesit e CSGO po testojnë në serverat e CSGO beta, dyshimet se diçka e madhe në CSGO po vjen dhe shumë fansa të lojës dyshojnë se kjo do të thotë se CSGO do të vijë në engine Source 2 të Valve.

Diçka tjetër e cila i ka shtuar dyshimet se CSGO do të vijë në engine e ri të Valve, Source 2, janë edhe fotot e postuara në fillim të Operation Broken Fang ose Shattered Web. Nëse i shikoni me vëmendje ato, do të kuptoni që grafikat në to janë tepër të përmirësuara në krahasim me grafikat që CSGO ka sot. Por përsëri asgjë nuk na ndalon të mendojmë se Valve ka një engine të veçantë vetëm për të kryer këto foto.

Fatkeqësisht, akoma nuk kemi diçka konkrete por besojmë se një update i madh do të vijë së shpejti për të gjithë fansat e CSGO.