Update-i i ri i Xbox One heq Cortana nga konsola

Një update i ri i Xbox One ka ardhur këtë javë për disa përdorues me ndryshime për komandën e zërit të konsolës dhe ekranit. Dashboard-i do të ndryshojë me një dizenjim të ri që do të ketë disa butona që të çojnë në zonat kryesore të interesit për konsolën. Një tjetër ndryshim është që në këtë update Cortana është hequr nga konsola.

Përdoruesit e Xbox One momentalisht mund ti dërgojnë komandat Cortanës përmes kufjeve të tyre, por pasi ky update të vijë për të gjithë, kjo nuk do të jetë më e mundur. Lojtarëve do ju duhet ta insktruktojnë konsolën e tyre duke përdorur metoda të tjera, si app-i i Cortana përshembull.

Në një postim që detajonte ndryshimet e bëra, Microsoft tha se zhvendosja e Cortana nga konsola është pjesë e një vendimi të marrë, për të evoluar më shumë komandat e zërit në konsolë.

Në postim përfshihej edhe imazhi më poshtë, që tregonte se si do të dukej Dashboard-i pasi të update-ohej.

“Me këtë dizajn të ri të Home, gjëja e parë që do të vini re është që kemi zhvendosur Twists në krye të Home dhe e kemi zëvendësuar me butona të ndarë.” Është shprehur Microsoft.“Qëllimi është që t’ju japim mundësi të shkoni në Xbox Game Pass, Mixer, Xbox Community dhe Microsoft Store më shpejt se kurrë më parë. Gjithashtu kemi bërë disa lëvizje që të krijojmë më shumë vend për lojërat e fundit që keni luajtur.”

Update-i do të dalë këtë javë ata në Alpha Skip Ahead. Gjithsesi nuk do të vijë për të gjithë përdoruesit deri nga vjeshta, ndaj për ata që preferojnë ta përdorin Cortana përmes kufjeve, ende nuk keni pse të shqetësoheni. Do të keni plot kohë që të përshëndeteni me të.