Suporti për DirectX 12 do të vijë për Fortnite në update 11.20.
Suporti për DirectX 12 do të vijë për Fortnite në update 11.20.
Falë Epic Games, së shpejti do të keni një mënyrë të re për të luajtur Fortnite, që mund ta provoni shumë shpejt.
Kur update 11.20 i Fortnite të vijë javën e ardhshme, lojtarët do të mund ta luajnë versionin PC të lojës duke përdorur Microsoft DirectX 12.
“Duke përdorur DX12, lojtarët e PC me GPU të lartë do të mund të shijojnë një frame rate më të lartë dhe më të qëndrueshëm,” tha Epic Games. “Kjo sepse DX12 sjell performancë më të mirë të CPU-së dhe lejon rendering të imazheve në disa core njëherësh”
Versioni PC i Fortnite momentalisht kërkon DirectX 11 në minimum, por shtimi i suportit të DX12, do të sjellë një performancë shumë më të mirë në terma afatgjatë.
“Në të ardhmen, kemi në plan të shtojmë veçori të Fortnite që do të mundësohen nga DX12. Nëse ju japim lojtarëve mundësinë për tu optimizuar në DX12 përpara se ti aplikojmë këto ndryshime, marrim dhe vetë informacione më të vlefshme në proçesin tonë të zhvillimit.”
PC me Windows 10 e kanë automatikisht Direct X, por ju mund të kontrollini se cilin version keni për vete në këtë faqe të Windows support.