Lançimi i Control në konsola ishte literalisht një katastrofë. Aventura e fundit e Remedy Entertainment vuajti nga problemet me performancën në të gjitha platformat, por situata ishte specifikisht keq në Xbox One dhe PlayStation 4, ku loja binte deri në 10 fps.
Gjatë kësaj jave Remedy solli një patch të ri që premtonte të rregullonte performancën në konsola. Në të tilla raste pyetja që lind është nëse kjo gjë solli ndonjë ndryshim të madh? Sipas krahasimeve të bëra përgjigjja është po.
Deri më tani patch 1.03 e Control është sjellë vetëm në PlayStation 4, por në fakt kjo ishte dhe platforma ku loja kishte problemet më të mëdha me performancën. Ky patch do të vijë më vonë edhe në Xbox One dhe PC. Në PS4 Pro pastaj Control është shumë më konsistent me lojën që qëndron në 30fps me rënie të vogla tek tuk në 20 fps.
Le të shpresojmë që Remedy të mund të vazhdojë ta përmirësojë performancën e Control. Studioja duket se ka plane të mëdha për lojën në të ardhmen, pasi kaq pak lançimit ajo tashmë ka patur njoftimin për dy DLC që do të vijnë së shpejti. Nëse jeni në mëdyshje për ta marrë lojën apo jo, shikoni review-in e saj më poshtë.