Dishonored 2 dhe Dishonored: Death of the Outsider u update-uan këtë javë dhe ky update vjen me lajme të mira. E para Denuvo është zhvendosur nga të dyja lojërat dhe e dyta të dyja lojërat kanë mode të reja në të cilat mund të luani. Sidoqoftë kjo shoqërohet me një kleçkë të vogël.
Mode-i i parë është Mission+, i cili ju lejon të rivizitoni çdo mision që keni plotësuar deri tani dhe të eksperimentoni me aftësitë dhe armët tuaja. Tjeri është Black and White i cili e sjell gjithë lojën bardh e zi, përveç pjesëve të gjakut. Është pak a shumë si stili i një novele përgjatë Dishonored 2.
Pjesa e kleçkës qëndron që nëse doni ti merrni këto mode të reja duhet të keni një account të Bethesda.net. Për ti bërë gjërat pak më të lehta Bethesda ofron një bonus për lojtarët e Dishonored 2 që do të përdorin këtë mënyrë. Ky është Imperial Assassin’s Pack, që ju jep një hajmali Duelist’s Luck, Void Favor, një kitarë antike Serokan, një libër të quajtur Goodbye, Karnaca- A Musician’s Farewell dhe 500 monedha bonus.
Imperial Assassin’s Pack ka qenë dikur ekskluzive e pre-order, por tani nëse keni një account Bethesda.net mund ta merrni falas.