Duket se Counter-Strike: Global Offensive nuk ka ndërmend të kalojë në Source 2 të Valve së shpejti, pasi raportohet se zhvilluesit kanë ndaluar së punuari me këtë update.
Thashethemet për këtë update kanë qarkulluar që nga fillimi i 2020s, me burime të brendshme që deklaronin se ky update ishte shumë pranë. Pronari i Valve News Network, Tyler McVicker edhe cilësoi datën 18 maj si ditën kur do të vinte ky update. Gjithsesi, duke marrë parasysh zhvillimet e fundit, McVicker ju desh të tërhiqte fjalët e tij.
Me një histori të mëparëshme me leaks dhe sugjerime të sakta, fanatiku i Valve ka shpjeguar se update-i i Source 2 “nuk do të ndodhë”.
“Kishte një mbledhje dhe aty u mor një vendim,” tha ai. Arsyeja pas anullimit të projektit është thjesht sepse “do shumë punë”. Pra sipas McVicker nuk ka për të ndodhur. Ata nuk kanë për ta bërë.
Ky update do të kishte mundësuar pamje më të mira vizuale dhe mekanika më të mira të gameplay-it. Linja kodi të bëra leak në Dota 2 sugjeronin edhe përmirësim të renderave, hijeve dhe skyboxes.
Sado që ndryshime të tilla mund ta kishin ndihmuar shumë një përmirësim të shooter-it, kishte një faktor kyç që e parandaloi këtë: “Nuk është se ata nuk mund të bëjnë port lojën… ata nuk mund të bëjnë port kontentin e komunitetit.”
Nga mode specifike lojërash, në harta plotësisht të reja dhe më shumë, kontenti i komunitetit ka qenë prej kohësh një pjesë kyçe e eksperiencës së CS:GO. Kjo librari e madhe krijimesh është ajo që po e frenon lojën nga Source 2 engine.
Gjithsesi, sado që kjo gjë mund të ketë ndaluar zhvillimin për momentin, ekziston ende mundësia që loja ta gjejë rrugën për në Source 2. Por momentalisht mos mbani shpresa për të ardhmen e afërt.