PlayerUnknown’s Battlegrounds do të pësojë disa ndryshime teknike, por këtë rradhë nuk do të jenë armët, por zhurmat. Specifikisht mënyra se si zhurma e hapave regjistrohet në materiale të caktuara dhe se si kjo ndikon atë që dëgjon lojtari.
Në një postim të bërë nga ekipi i PUBG Corp, krijuesit kanë kohë për të konsideruar se si zhurma dhe audioja është duke ndikuar te lojtarët në battle royale. Kur u listuan problemet me hapat e këmbëve tre elementë kyç dolën në sipërfaqe. Së pari cilësia e ulët e gjurmëve në dhe, rërë dhe bar, së dyti zhurma jo e natyrshme e tyre në distanca të caktuara dhe së treti dallimet mes lojtarëve që kanë veshur këpucë dhe atyre që janë zbathur.
Pika e fundit është e rëndësishme, sepse kur lojtarët janë zbathur bëjnë shumë më pak zhurmë se kur janë duke veshur këpuce. Kjo e bën të vështirë që lojtarët të dëgjojnë se ku janë armiqtë dhe sado që në realitet një vendim i tillë bën sens, nuk është shumë i drejtë për gameplay-in e lojës.
Sado që ekipi i zhvillimit tentoi ti rregullonte këto probleme vitin e shkuar, nuk ishte mjaftueshëm, ndaj ata janë rikthyer sërish për disa modifikime të tjera të audios.
Disa nga dallimet që lojtarët mund të vënë re është që më parë kur lojtarët largoheshin cilësia e audios binte. Kjo nuk ndodh më tani, pasi do të jetë e njejta zhurmë, sado afër ose larg të jeni. Do të jetë volumi ai që do të ndryshojë.
Një tjetër dallim i madh do të jetë që lojtarët që do të jenë zbathur sdo të jenë aq të vështirë për tu dëgjuar. Kur një armik është larg, ata do të dëgjojnë të njejtën zhurmë me ose pa këpucë.
Këto ndryshime do të vijnë në update 8.1 të PUBG, por ka edhe ndryshime të tjera që do të vijnë në të ardhmen, të cilat ende pritet të detajohen nga PUBG Corp.