Gjithçka bëhet më e vështirë për ata që e përdorin këtë strategji.
Në PUBG, aftësia për të qëndruar në fshehtësi është një nga strategjite kryesore të përdorura nga lojtarët për të bërë plays-a mjaft të rëndësishëm e që shpeshherë ju sjellin atyre fitoren. Por, update i fundit ka sjellë ndryshime të cilat ndryshojnë mekanikën e fshehjes duke e bërë atë më të vështirë për t’u përdorur dhe fituar lojën.
Youtuber-i WackyJacky101 bëri një test mbi zhurmën e hapave në PUBG. Pas dyshimeve se kohët e fundit zhurmën e hapave të lojtarit në lojë, Youtuber-i testoi hipotezën, dhe siç duket nga video e tij, supozimet janë të sakta. Nga ekperimenti zbulohet se largësia nga e cila mund të dëgjohen hapat e një lojtari është përafërsisht rreth 60 metra.
Testi i WackyJacky101, ku morrën pjesë disa lojtarë të PUBG, tregoi se gjatë vrapimit normal (standing run), hapat e lojtarit mund të dëgjohen nga rreth 56 metra larg, ndërsa më parë distanca ishte vetëm 40 metra. Ndërkohë, gjatë një sprinti në këmbë (standing sprint), distanca nga ku hapat e lojtarit dëgjohen është 58 metra. Duket se ka rreth 20 metra ndryshim në distancën e dëgjimit kur krahason testin e fundit të WackyJacky101 me testin që po ai ka zhvilluar në Mars të 2018. Testi është tepër tërësor, duke parë se Youtuber-i gjithashtu ka krahasuar distancën në terren normal si dhe në borën e Vikendi-t, me ose pa këpucë.
Nuk është e qartë se sa kohë është bërë ky ndryshim në lojë, por duke parë komentet e videos, duket se lojtarët janë tepër të pakënaqur. Mendimi i përgjithshëm është se ekipi i zhvilluesve të PUBG Corp. duhet të fokusohen më shumë në bërjen e përmirësimeve dhe shtimin e përmbajtjes së re në lojë, siç qe harta e Vikendit, në vënd të ndryshimeve të tilla përçarëse.
Shumë njerëz janë gjithashtu konfuzë se pse PUBG Corp. do të sillte një update të tillë kur fshehtësia është një nga arsyet më të mëdha se pse njerëzit e luajnë këtë lojë. Sulmet e shpejta në fshehtësi, të cilat kërkojnë shkathtësi dhe strategji janë një nga arsyet më të mëdha se pse shitet PUBG, thonë lojtarët. Edhe pse ky ndryshim nuk është dhe aq i diskutueshëm sa ndryshime si region-locking, është mjaftueshëm për të shkaktuar pakënaqësi te lojtarët, të cilët kërkojnë kthimin e tij.
