Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Përditësimi i shumëpritur i Fallout 76, Steel Dawn, i cili prezanton fraksionin Brotherhood of Steel në Appalachia, ishte planifikuar fillimisht të niste në 1 Dhjetor, por ata që hynë dje mund ta kenë parë veten duke kontrolluar datën. Kjo për shkak se i gjithë update-i tani është lëshuar herët dhe e gjitha është për shkak të një gabimi që bëri që lojtarët e Xbox të shkarkojnë update-tin një javë para afatit. Ups!
Siç shpjegohet në një postim në blog, jo vetëm që gabimi bëri që lojtarët e Fallout 76 në Xbox të shkarkonin update-tin më herët, por gjithashtu i pengoi ata të luanin në të vërtetë lojën, duke e bërë situatën pak më urgjente. Duket se Bethesda konsideroi thjesht kthimin e përditësimit duke i detyruar të gjithë të presin një javë (ashtu siç duhej të ndodhte), por vendosi të sjellë përpara lançimin në vend të kësaj. “Ne menjëherë hulumtuam mënyrat për t’i rikthyer lojtarët tanë të Xbox në lojë sa më shpejt të jetë e mundur, por, përmes diskutimeve tona, i gjithë ekipi i BGS u ndje i sigurt se Steel Dawn është gati të dalë”, tha Bethesda dje. “Si rezultat, në vend që të rikthejmë përsëri përditësimin dhe t’i bëjmë të gjithë të presin një javë tjetër, ne kemi vendosur që të lëshojmë Steel Dawn Update në të gjitha platformat.”
Së bashku me prezantimin e përmbajtjes së Brotherhood of Steel, update-i sjell një ndryshim të mirëpritur në mënyrën se si funksionon uria dhe etja; efektet negative nga këto kushte janë hequr, ndërsa të ushqyerit mirë ose të hidratuarit do t’ju japë tani një buff më të madh, që do të thotë se këto mekanika do të jenë pak më pak ndëshkuese. Disa nga ndryshimet e shënuara në patch notes, të tilla si paketat dinamike (që do të thotë se çmimet e paketave do të ulen për lojtarët që tashmë zotërojnë disa nga artikujt që përmbajnë) nuk do të funksionojnë deri në datën e parashikuar të lëshimit në 1 Dhjetor. Ju mund të gjeni ndryshimet e detajuara të Steel Dawn këtu.
Bethesda nuk shpjegoi saktësisht se si update-i doli më herët në Xbox, por sipas lojtarëve duket se po funksionon normalisht pavarësisht lançimit të hershëm. Në fakt, disa duken mjaft të kënaqur me ndryshimin e papritur të datës së lëshimit. “Mos u interesoni kush e ka ngatërruar ose pse, faleminderit që vendosët të lëshoni update-tin”, tha përdoruesi i Reddit, Sangelve.
