Ndryshime në Miramar dhe përmirësime të mëtejshme.
Ndryshime në Miramar dhe përmirësime të mëtejshme.
Një update i ri është i disponueshëm për PUBG në PC, që ka prezantuar shumë ndryshime në hartën e Miramar.
Season 5 në PUBG është realisht i gjithi për Miramar, siç kanë sugjeruar edhe dataminers. Ky sezon i ri sjell disa ndryshime për hartën në shkretëtirë. Ndoshta më i vërejturi është se do të popullohet me më shumë armë low-range përgjatë tij, por ka edhe ndryshime të tjera në Survivor Pass: Badlands.
Update 5.1, që erdhi live në test servera javën e shkuar, është lançuar në live servera sot. Update-i nuk sjell ndryshime vetëm në Miramar, por gjithashtu kontent të ri dhe përmirësime të performancës.
Sezoni i ri do të prezantojë pjesën e tij të ndryshimeve në lojë, duke filluar me update-in e Miramar. Harta në shkretëtirë do të ketë një zonë të re të quajtur: “A La Muerto Vamos” që lojtarët mund të eksplorojnë. Kjo pistë do të jetë plot me rampa, kthesa dhe struktura të tjera të ngjashme.
Lojtarët gjithashtu kanë një mënyrë të re për të ndihmuar aleatët e tyre dhe për të mposhtur armiqtë. Kjo falë shtimit të mekanikës për të hedhur thika, karikatora dhe armë melee përgjithësisht. Hidhini shokëve të skuadrës pije energjike kur të kenë nevojën ose provoni fatin për të vrarë dikë nga larg me një tigan.
Krahas update-eve të gameplay-it, Surivor Pass kthehet me shpërblime të reja, sfida dhe përmirësime në strukturën e misioneve. Survivor Pass: Badlands ju jep lojtarëve veshje dhe skine armësh me tematikën e shkretëtirës që trajton dhe Miramar.
Mund të klikoni linkun këtu për të parë patch notes zyrtarë të update PUBG PC 5.1. Më vonë, në datë 29 tetor, këto ndryshime do të vijnë edhe për konsola. Për momentin, nëse jeni lojtar PC, shijoni të rejat e lojës.