Zbulohen detajet e Update 4.3 në PUBG PC
Zbulohen detajet e Update 4.3 në PUBG PC
Lojtarët e PlayerUnknown’s Battlegrounds do të kenë së shpejti mundësi të shprehin veten pa pasur nevojë për një terapist. Zhvilluesit e PUBG zbuluan sot Update 4.3 në PC faqen e komunitetit në Steam, duke sjellë në lojë veçorinë Survival Mastery – një sistem progresioni ku lojtarët e tyre mund të shprehin veten bazuar tek mbijetesa e tyre. Një shotgun i ri gjithashtu vjen në lojë, si dhe ndryshime të tjera për këtë kategori armësh.
Lojtarët e PUBG nëpërmjet Survival Mastery do të kenë mundësi të shprehin veten nëpërmjet këtij sistemi progresioni që jep XP kur kryen veprime si marrja e sendeve, përdorimi i tyre në luftim, vetë luftimet dhe ngjallja e shokëve. Lojtarët mund të kontrollojnë veprimet e tyre në survival në historinë e ndeshjeve të tyre, që përmbledh çdo gjë që ata bënë në ndeshjen e fundit.
Një tab i ri Survival Playstyle gjithashtu do të vijë, që analizon të dhënat e të gjithë lojtarëve dhe krahason statistikat e tua me mesataren e PUBG. Këtu përfshihet numr i sendeve të marra në lojë, distanca e ecur në lojë, raporti i Hot Drop dhe dëmi që merr për lojë. Tre aftësitë më të mira të një lojtari janë publike për t’u parë nga lojtarë të tjerë.
Lojtarëve do t’ju jepet një PUBG ID që tregon progresionin e tyre dhe çmimet e tyre të Survival Mastery, si dhe një emblemë, sfond dhe një pozë. Kjo mund të shihet nga shokët e tu të ekipit nga loja e kaluar, si dhe nga kundërshtarët që vret ose të vrasin.
Sfondet dhe emblemat do t’i jepen lojtarëve çdo 10 nivele në Survival Mastery. Pozat do të jepen çdo 100 nivele, duke i lejuar lojtarët të modelojnë pamjen e tyre.
Më pas, shotgun-i DBS është një shotgun pump me dy tyta që mund të gjendet në Care Packages. Shotgun-i mund të mbajë 14 plumba dhe të bëjë shumë dëm në një periudhë shumë të shkurtër kohore. DBS mund të përdorë disa sights të ndryshëm, përfshirë këtu Holographic, Red Dot dhe 2x deri në 6x.
Së bashku me ardhjen e kësaj arme, do të ketë ndryshime të tjera për shotgun-et në lojë. Konsistenca e shotgun-eve do të përmirësohet, së bashku me probabilitetin e goditjes nga distanca të mesme, si dhe gjithashtu do të rritet dhe dëmi minimal.
Plumbat e shotgun-it do të jenë tashmë më realë, pasi bien më shpejt sepse shpejtësia e tyre bie me kalimin e kohës, Headshot do të bëjnë 1.2x dëm nga 1.5x dhe goditjet në trup do të bëjnë 0.9x nga 1x. Largësia efektive e S686, S1897 dhe Sawed Off do të jetë 80 metra dhe ata do të kenë disa përmirësime të vogla, si shpejtësia e karikimit dhe goditjes.