Driblim më i mirë dhe goditje fundore më të shpejta ndër shumë të tjera
Driblim më i mirë dhe goditje fundore më të shpejta ndër shumë të tjera
Update-t po vijnë vazhdimisht në FIFA 20 dhe tashmë kemi ardhur në update-in e 10 të lojës, Patch 1.13. Ky update ka si qëllim të përmirësojë driblimin dhe goditjet fundore, si dhe ka sjellë 71 fytyra të reja lojtarësh në lojë.
Në update-in 2 të FIFA 20, EA përmirësoi driblimin për lojtarët që kanë më shumë se 80 dribbling, agility ose balance. Tashmë, ata e kanë përmirësuar edhe më tej driblimin për këta lojtarë, për ta bërë më të dukshëm kualitetin e tyre.
Gjithashtu janë ndryshuar dhe goditjet, me goditjet në zonën jeshile të cilat janë më të sakta, si dhe goditjet e lehta brenda zonës dhe pa kundërshtarë që kanë më shumë mundësi të shkojnë drejt portës.
Ndër ndryshimet e tjera, animimet nga pasimet nga goditjet fundore janë më të shpejta, që loja të nisë më shpejtë. Gjithashtu, ju nuk mund të qëndroni më pa e nisur lojën për 30 sekonda për të mërzitur kundërshtarin, pasi tashmë loja do të nisë automatikisht pas 15 sekondash.
Për sa i përket Ultimate Team, nuk ka patur ndryshime të mëdha, pasi shumica janë thjesht rregullime të bugs të ndryshëm, por lista mbetet ende e gjatë. Gjithashtu, në lojë kanë ardhur fytyrat e 71 lojtarëve të rinj, ku pjesë e ekipeve që janë ndryshuar janë PSG, AS Roma, Millonarios, Universidad Catolica, Racing Club dhe Independiente.