Çfarë do të sjellë Update 1.1 në Genshin Impact?

Çfarë ka në plan MiHoYo të sjellë gjatë Update 1.1 në Genshin Impact?

Update i ri në Genshin Impact do të vijë më datën 11 nëntor dhe kompania zhvilluese e lojës, MiHoYo, zbuloi sot se çfarë do të sillte. Ky update do të përfshijë shumë gjëra duke filluar nga një sistem i ri shpërblyes, personazhe të reja dhe deri tek një event i ri sezonal.

Update 1.1 do të sjellë disa misione të reja të cilët do t’i japin fund Liyue arc. dhe do të sjellin shumë histori për personazhet e reja që do të shtohen në lojë.

Childe është një personazh five-star hydro që përdor bow i cili mund të luftojë si nga afër gjithashtu edhe nga larg. Personazhi tjetër five-star është Zhongli i cili përdor geo dhe spear dhe që mund të shkaktojë dëme të mëdha në një zonë të caktuar dhe gjithashtu të mbrohet.

Këtyre personazheve five-star do t’iu bashkohen edhe 2 personazhe të tjera four-star. Personazhi i parë four-star është Xinyan që përdor pyro dhe claymore kurse personazhi i dytë four-star është Diona që përdor bow dhe cryo.

Një prej gjërave më të përfolura në ketë update ishte sistemi i reputacionit të secilit qytet. Ky sistem hapet pas Adventure Rank 25 dhe duke plotësuar detyra dhe quest, lojtarët mund të mbledhin shumë shpërblime dhe items ekskluzive të veçanta për çdo rajon. Gjithashtu ju do të përfitoni wind glinder, recipes dhe busull që do t’iu ndihmojë të gjeni thesaret afër jush.

Gjithashtu ky update do të vijë me një event të ri të quajtur Unreconciled Stars që do t’i sfidojë lojtarët të marrin pjesë në disa misione dhe sfida ku disa prej tyre ju mund t’i plotësoni me miqtë tuaj online co-op. Plotësimi i këtyre misioneve dhe sfidave do t’iu japë shpërblime të ndryshme dhe gjithashtu Fischl që është një prej personazheve më të mira four-star.

Mos harroni të mësoni më shumë rreth Genshin Impact duke klikuar këtu.