Zhvilluesit e Wasteland 3, inXile, po punojnë me këtë engine për projektin e tyre të ardhshëm
Zhvilluesit e Wasteland 3, inXile, po punojnë me këtë engine për projektin e tyre të ardhshëm
Engine-i më i ri për krijimin e lojërave nga Epic Games, Unreal Engine 5, u zbulua përpara disa ditësh në PlayStation 5. Në këtë kohë, Epic Games njoftoi se do të transferonte Fortnite në Unreal Engine 5 në 2021, ndërkohë që tashmë është lajmëruar edhe një lojë tjetër që do të përdorë këtë engine.
Studioja inXile Entertainment, e cila është në pronësi të Microsoft, do ta përdorë këtë engine për projektin e tyre të ardhshëm pas Wasteland 3. Në Twitter, studioja tha që është e lumtur për lojën e re, por ende duhet që lojtarët të presin për një njoftim zyrtar. Ata gjithashtu konfirmuan se loja do të ndërtohet në Unreal Engine 5.
Thank you. We’re excited to share more, although it’ll be a while. Focusing on finishing Wasteland 3 and getting it into people’s hands on Aug. 28. We will indeed be using Unreal Engine 5 for our next project.
— inXile entertainment (@inXile_ent) May 19, 2020
Loja e ardhshme e inXile, Wasteland 3, do të lançohet në 28 gusht pas një shtyrjeje, e cila erdhi për shkak të pandemisë së COVID-19. Duke parë deklaratën e inXile, loja e tyre me shumë mundësi nuk do të zbulohet gjatë eventit Xbox 20/20, ku me shumë mundësi ata do të zbulojnë më shumë informacion për Wasteland 3.