Me së shpejti duam të themi javën e ardhshme
Me së shpejti duam të themi javën e ardhshme
Para pak kohësh Ubisoft zbuloi se një lojë e re Ghost Recon ishte në zhvillim e sipër, përmes një update-i të ri për Ghost Recon Wildlands që jepte disa të dhëna shtesë në të. Në pikën ku jemi tani, update-i i fundit i lojës ka zbuluar edhe më shumë gjëra rreth një loje të re Ghost Recon dhe majde sugjeron se ajo do të zbulohet javën e ardhshme.
Siç mund ta dini teaser-i i parë ishte rreth një organizate të referuar si Skell Technology. Teaser-i i ri zbulon ftesën për një eveniment të quajtur Skell Con, i cili do të zhvillohet me datë 9 maj.
Krahas teaser-ave nga vetë Ubisoft, edhe thashethemet në internet thonë se një lojë e re Ghost Recon do të zbulohet së shpejti. Normalisht do të mendonim që një zbulim i tillë do të ruhej për te E3, por edhe më mirë që jo, pasi kjo do të thotë që kompania ka rezervuar edhe më shumë surpriza për ne.
Nuk është çudi që po përballemi me një tjetër lojë të Ghost Recon, fundja Wildlands e 2017s qe një sukses i vërtetë. Më shumë rreth lojës do të zbulohet së shpejti, kështu që sigurohuni që me datë 9 maj të qëndroni të update-uar me faqen tonë.