Një operator i ri dhe balancime të mëdha janë planifikuar të vijnë në Rainboë Six Siege gjatë Operation Neon Dawn
Një operator i ri dhe balancime të mëdha janë planifikuar të vijnë në Rainboë Six Siege gjatë Operation Neon Dawn
Në një livestream para pak kohësh, Ubisoft solli detajet e plota rreth Operation Neon Dawn i cili do të vijë së shpejti në Rainbow Six Siege. Në ketë operation do të vijë një operator i ri i quajtur Aruni e cila do të sjellë gjithashtu shumë ndryshime dhe balancime në aspekte të ndryshme të lojës.
Aruni
Operatori i ri është Apha “Aruni” Tawanroong 2 speed 2 armor dhe që do të jetë një defender. Pajisja e saj është Surya Gate, një pajisje e cila mund të vendoset nëpër hyrje të ndryshme, hatches ose nëpër muret të cilat mund të përforcohen duke ndaluar skuadrën kundërshtare.
Aruni mund të vendosë deri në tre Surya Gate të cilat nuk mund të shkatërrohen por që mund të çaktivizohen shumë lehtë. Nëse një grenade ose drone kalon në të, pajisja do të çaktivizohet për 30 sekonda dhe mund të riaktivizohet prapë duke e gjuajtur ketë pajisje.
Surya Gate do të shkaktojë 40 dëme për të gjithë attackers të cilët kalojnë nëpër ketë pajisje dhe fakti që nuk mund të shkatërrohet ose çaktivizohet nëse nuk keni një grenade ose drone me vete iu acaron shumë.
Aruni ka edhe një passive ablity. Ajo mund të gjuaj muret me krahun e saj i cili është prosthetic. Ju mund ta përdorni këtë aftësi për të krijuar rotation hole duke iu hequr nevojën për të marrë një shotgun me vete.
Aruni është e para defender që mban DMR e Dokkaebi me një scope 1.5x. Ajo gjithashtu mund të përdorë edhe P10 RONI i cili është një prej SMG që i përshtatet më mirë këtij operatori falë fire rate të lartë dhe recoil i cili mund të menaxhohet lehtë. Bashkë me pistoletën PRB92, Barbed Wire dhe Promixity Alarm, ajo mund të jetë gjithashtu një roamer perfekt.
Harta Skyscraper është prezantuar për herë të parë në Rainbow Six Siege gjatë Y2S1. Harta origjinale ishte shumë popullore në ranked por kishte goxha probleme të cilat bëjnë që kjo hartë të marrë një rework.
Tashmë keni një çati të aksesueshme duke e bërë sulmin më të lehtë në këto kate. Shumë prej ballkoneve dhe korridoreve të cilat “abuzoheshin” nga defender janë ndryshuar dhe balancuar. Gjithashtu edhe shumë dritare janë mbyllur.
Brenda hartës do të gjeni dhoma të mëdha, shumë rotation, dy kate dhe më pak chokepoints. Shumë ndryshime janë bërë në mënyrë që t’i lehtësojnë punë attackers por gjithashtu t’i japim defenders më shumë fleksibilitet. Vetëm koha do të na tregojë nëse ky rework është i suksesshëm ose jo.
Hibana ka qënë deri më tani një prej operatorëve më të balancuara për shumë sezone por Ubisoft dëshiron ta forcojë pozicionin e këtij operatori hard breacher. Më përpara ju kishit tre gjuajtje me nga gjashtë pelletes.
Tashmë ju do të keni mundësinë për të ndryshuar numrin e pellets për çdo gjuajtje. Kjo do t’iu ndihmojë të kurseni pellets duke iu dhënë më shumë mundësi për të hapur hatches ose vrima nëpër mure të përforcuara.
Me ketë ndryshim që Hibana do të marrë, pozicioni i saj do të forcohet duke e bërë atë një operator i cili është i nevojshëm në çdo lojë. Gjithashtu ju mund ta përdorni pellets e Hibana për të çaktivizuar Surya Gate ose ADS e Jager.
Jager së fundmi ka qënë një prej operatorëve defender më të mirë në lojë edhe pas shumë nerf që ka marrë gjatë këtyre sezoneve. Pajisja e tij ofron shumë mbrojtje ndaj grenades prandaj Ubisoft ka vendosur që kësaj radhe t’i bëjë nerf kësaj pajisjeje.
Tashmë ADS e Jager pas çdo grenade që ndalon, do të jetë në cooldown për 10 sekonda. Kjo i lehtëson shumë punë operatorëve si Ash dhe Zofia që nëpërmjet pajisjes së tyre mund të bëjnë që të nxjerrin defenders nga pozicionet e tyre.
Echo me pajisjen e tij ka qënë një prej operatorëve më acarues për lojtarët për shkak të Yokai drone i cili bëhet i padukshëm. Për ta ndryshuar ketë gjë, nerf i radhës për Echo është heqja e padukshmërisë për Yokai drone. Kjo tashmë do të heqë acarimin e lojtarëve duke kërkuar për pajisjen e padukshme të Echo.
Duhen dy sekonda kohë për një defender të zbulohet për attackers që prej momentit kur ai del nga ndërtesa. Shumicën e kohës kjo gjë iu lejon defenders të kryejnë një ose disa vrasje. Tashmë koha që duhet për t’u zbuluar është ulur në një sekondë. Gjithashtu edhe mënyra sesi koha e ngelur shfaqet ka ndryshuar në mënyrë që të jetë më e kuptueshme për defenders.
Vendosja e defuser nëpër cepat e bomb site është një strategji e njohur dhe tepër e mirë por ndonjëherë ndodh që të mos ndodhesh në vendin e duhur dhe në vend që të vendosni bombën ju e bëni drop.
Tashmë kjo gjë nuk ka për të ndodhur më sepse Ubisoft ka vendosur të shtojë një zone në çdo bomb site ku ju nuk mund të bëni drop bombën. Kjo gjë do t’iu ndihmojë shumë duke eliminuar momentet acaruese.
Akoma është në fazën e testimit por disa veçori të reja do të vijnë në chat duke përfshirë voice to text dhe anasjelltas. Kjo do t’i ndihmojë shumë lojtarët të cilat kanë probleme me dëgjimin ose lojtarët e rinj.
Ky patch i madh është akoma në Test Server dhe na duhet të presin në mënyrë që të zbulojmë nëse të gjitha këto ndryshime do të vijnë të plota ose do të ndryshojnë në të ardhmen. Besojmë se Operation Neon Dawn do të vijë gjatë muajit dhjetor nga i cili nga ndajnë vetëm dy javë.