Ubisoft ka qenë mjaft i zënë me website kohët e fundit. Javën e shkuar kompania regjistroi domain-in për Assasin’s Creed Valhalla vetëm pak orë përpara se loja të zbulohej zyrtarisht dhe tani ka regjistruar princeofpersia6.com. Mos ndoshta kompania po sjell këtë seri të vjetër lojërash sërish në zhvillim?
Sado që kjo nuk është një provë konkrete që do të marrin Prince of Persia 6, domain-i në vetëvete është shumë specifik, ndaj ka mundësi që të mos jetë thjesht një vrimë në ujë. Me kaq shumë evente next-gen që do të vijnë së shpejti, ka gjasa që edhe Ubisoft të jetë duke u përgatitur për një njoftim.
Do të ishte vërtet interesante të shikonim një rikthim të lojërave të Prince. Mbetet të presim dhe të shohim se çfarë do të nënkuptojë kjo për të ardhmen e tyre.