Kompanisë gjithashtu i është dashur të rrisë kapacitetin e serverave.
Kompanisë gjithashtu i është dashur të rrisë kapacitetin e serverave.
Pas ndodhisë fatkeqe të Notre Dame, Ubisoft dhuroi €500,000 për restaurimin e katedrales dhe më e rëndësishmja dha falas Assassin’s Creed Unity për një javë. Oferta ende vazhdon deri në 25 prill nëse e morët vesh në moment këtë si lajm.
Gjithsesi është gjithmonë ai grupi fatkeq i njerëzve që e blenë lojën pak para se ajo të bëhej falas, duke mos qenë në dijeni të zemërgjerësisë së Ubisoft. Këtu ky i fundit vazhdoi të tregohej mirëkuptues, duke ofruar rimbursime për ata që e kanë blerë lojën mes datava 15-17 prill.
Duke qenë se oferta ishte ekskluzive vetëm për përdoruesit e PC, edhe kompensimet ndjekin të njejtën logjike. Pra nëse e keni blerë lojën në konsola, nuk klasifikoheni. Procedura do të jetë mjaft e thjeshtë në fakt, pasi kompania do i bëjë vetë selektimet. Nuk do iu duhet të viheni ju në kontakt me të, por anasjelltas do të jetë ajo që do iu nisë një email me të gjitha detajet e rimbursimit.
Ia vlen të shtojmë se lojtarët anë e mbanë botës vërtet e kanë shfrytëzuar në maksimum këtë mundësi. Aq shumë është rritur trafiku i lojës, sa serverat duhet të fikeshin për pak orë, sa të mund të rritej kapaciteti përballues i tyre.
Nëse ende nuk keni patur mundësi të përfitoni nga kjo situatë, Assassin’s Creed Unity mund ta merrni falas për PC në Uplay ose në Ubisoft Store.