Në shkurt Ubisoft tha se kishte tre lojëra AAA të programuara për lançim gjatë vitit fiskal të 2020-2021, që filloi në datë 1 prill. Gjatë një raportimi të bërë së fundmi përsa i përket fitimeve të kompanisë, ata paralajmëruan se një prej këtyre lojërave mund të mos vijë gjatë kësaj periudhe, kryesisht për shkak të nivelit “të lartë të pasigurisë” që ka krijuar pandemia e COVID-19.
As CEO i Ubisoft, Yves Guillemot dhe as CFO Frederick Duguet nuk komentuan më tej mbi këtë vonesë, por Ubisoft morri masat dhe përfshiu disa pritshmëri financiare, thjesht të rast se do të ndodhnin vonesa në lançimin e lojërave AAA gjatë 2021-2022.
“Po tregohemi shumë të kujdesshëm,” tha ai. “Nuk e dimë se çfarë do të na sjellin muajt e ardhshëm, ndaj kjo është arsyeja përse po marrim parasysh vonesa të mundshme që mund të shkaktojë situata. Skuadrat tone prapëseprapë janë duke punuar fort që të përballojnë të gjitha problemet e mundshme që mund të dalin.”
Katër nga pesë lojërat që pritet të vijnë janë zbuluar: Watch Dogs Legion, Rainbow Six Quarantine dhe Gods and Monsters. Assassin’s Creed Valhalla pastaj u zbulua javën e kaluar, ndërkohë që e pesta mbetet ende një mister. Kjo është ajo që ka më shumë gjasa të shtyhet për vitin tjetër fiskal.
Për Beyond Good and Evil 2 ose Skull and Bones, të cilat janë akoma në limbo, nuk u përmend asgjë. Ka gjasa që të dëgjojmë për to, ose për lojën e pestë të Ubisoft, në korrik, kur të mbahet Ubisoft Forward, një konferencë në stilin e E3.