Ubisoft më në fund lejon lojtarët e R6: Siege të falin shokët e ekipit

Një ndryshim total i mënyrës se si vrasjet e shokëve të ekipit funksionojnë sjell kthimin e dëmit mbrapsht dhe i lejon lojtarët të falin vrasjet aksidentale

Ubisoft do të ketë një qasje të re ndaj problemit të vrasjes së shokëve të ekipit në Rainbow Six Siege. Në një postim të ri, ata dhanë më shumë detaje për rregullat që do të fillojnë të testohen. Në vend që t’i nxjerrin lojtarët nga loja pas dy vrasjeve, i gjithë dëmi që ata i shkaktojnë pas vrasjes së parë shokëve të ekipit do t’ju kthehet mbrapsht. Nëse vrasja ishte vërtetë një aksident, viktima ka mundësinë të falë lojtarin dhe mos të aktivizojë penalitetin.

“Qëllimi i këtij sistemi është të ulë impaktin e lojtarëve që abuzojnë mekanikën e friendly fire, por duke mbajtur deri diku fleksibilitet për aksidentet” shkruhet në postim. Kur kjo mekanikë u testua fillimisht, disa lojtarë ishin të shqetësuar se ishte një ndëshkim shumë i ashpër për një vrasje vërtet aksidentale. Lojtarët kanë kërkuar një opsion faljeje për vite, por Ubisoft nuk kishte kthyer kurrë përgjigje deri më tani.

Për ata me zemër të bardhë që nuk vrasin shokët e ekipit qëllimisht, ndryshimet nuk duket se do të kenë një impakt të madh. Në qoftë se këto ndryshime bëhen pjesë e lojës, pas vrasjes së parë joaksidentale, lojtarët nuk mund të dëmtojnë më askënd përveç vetes. Ky ndryshim gjithashtu shkon dhe për pajisjet e sidomos dronët. Në qoftë se një dron dëmton një shok ekipi, dëmi i ktheht mbrapsht dronit, jo lojtarit.

Megjithatë, ende ngelet një problem në këtë sistem parandalues: Caveira. Me pistoletën e saj Luison e cila nuk i vret lojtarët por vetëm i hedh në tokë, ajo mund t’i hedhë të gjithë shokët e saj të ekipit e më pas të lërë lojën duke sjellë humbjen e raundit. Duke parë këtë problem, disa mendojnë se dëmi mbrapsht duhet të aktivizohet kur arrihet një numër i caktuar dëmi ndaj shokëve, jo pas një numri të caktuar vrasjesh.

Edhe pse tani lojtarët me qëllime dashakeqe nuk mund të dëmtojnë aq sa më parë ekipin e tyre, qëndron problemi se sjellja e tyre nuk po ndëshkohet në planin afatgjatë. Sipas rregullave të reja, Ubisoft do të vazhdojë të ndjekë vrasjet e shokëve të ekipit dhe mund t’i ndëshkojë lojtarët në rast të përsëritjes. Megjithatë, pa një rregull të qartë, duket se Ubisoft nuk ka një mënyrë konkrete për të dalluar ata që dëmtojnë qëllimisht ekipin e tyre dhe shpreson se ky sistem do të prishë planet e këtyre lojtarëve.

Ubisoft do t’a testojë këtë sistem në serverat e tyre dhe mund t’a ndryshojë atë në bazë të reagimit përpara se ta publikojnë në lojë. Zhvilluesit duken vërtet të sigurtë për atë çka do sjellin e duket sikur nuk do të ketë ndryshime rrënjësore përpara se sistemi të publikohet.