Ubisoft konfirmon se Watch Dogs Legion do të jetë në E3

“Zoti i ruajttë NPC-të”

Ubisoft ka konfirmuar zërat e fundit mbi lojën e ardhshme të serisë së famshme mbi hacking, Watch Dogs. Ajo quhet Watch Dogs Legion, siç është konfirmuar dhe në Twitter nga zhvilluesi. Ubisoft gjithashtu ka konfirmuar dhe të tjera detaje që janë zbuluar më parë, si fakti që loja do të zhvillohet në Londër dhe se do t’ju lejojë të luani si çdo personazh në lojë. “Zoti i ruajttë NPC–të” shkruan Ubisoft.

Sipas një listimi në Amazon UK që Ubisoft ka publikuar para këtij lajmërimi, mund të luani si kushdo në lojë. Edhe pse ky listim nuk mund të gjendet tani, thuhet se personazhet që rekrutoni kanë të gjithë animimet, zërat dhe personalitetet e tyre. Gjithashtu thuhet se mund të përjetoni evente të ndryshme në lojë në mënyra të ndryshme duke përdorur personazhe të ndryshëm.

Ubisoft premton se loja do të zbulohet zyrtarisht në E3 2019.