Ubisoft jep detaje mbi ndryshimet në Ranked në Rainbow Six Siege

Ndryshime të shumëta do të vijnë në Ranked

Rainbow Six Siege po kalon disa ndryshime të mëdha në Y4S3, por dy prej ndryshimeve më të mëdha përfshijnë një zvogëlim të hartave të ndryshme dhe një rank të ri Champions.

Hartat e ranked në Rainbow Six Siege kanë qënë një temë debati për disa kohë. Rotacioni i hartave është i mbushur me harta të parehatshme të cilat nuk përshtaten mirë me një gameplay kompetitiv. Sot, Ubisoft prezantoi shkurtimisht planet e tyre për të reduktuar numrin e hartave në ranked.

Të parat prej hartave që do të hiqen nga ranked janë Fortress, redesign-i i Hereford Base dhe Theme Park. Ndërkohë që largimi i Fortress mbase nuk do të ndryshojë shumë gjëra, heqja e Hereford Base është një vendim i duhur. Harta nuk i përshtatet aspak lojtarëve dhe ndriçimi i hartës ka qënë problem që kur ajo u lançua në shtator të vitit të kaluar.

Heqja e Theme Park bën gjithashtu kuptim, duke marrë parasysh se harta është duke u bërë rework. Rework-u i Kafe në Operation Phantom Sight ishte vërtet i arrirë dhe duket se ekipi i dizajnit është duke punuar vërtet fortë. Shpresat janë që Kafe është standarti i ri i hartave, i cili do të duhet të arrihet dhe nga rework-et e Kanal dhe Theme Park.

Ndërkohë që fansave ju duhet të presin ende edhe 1 vit derisa rework i Theme Park të vijë, Operation Ember Rise do të rikthejë Kanal në hartat ranked. Kanal duhej të bëhej rework për shkak të spawn peeking si dhe vendodhjeve të çuditshme të bombave. Tani për tani, të gjitha shenjat të drejtojnë drejt një rework-u të ngjashëm me Kafe.

Ndryshimi i dytë i madh që do të vijë në ranked është një rank i ri mbi Diamond. Ky rank do të quhet Champions dhe është diçka mjaft interesante që po vjen në lojë. Ndërkohë që Diamond ka kohë që është maja e lojërave kompetitive, duket se zhvilluesit kanë vendosur t’i ndryshojnë gjërat. Ky ndryshim është i ngjashëm me dinamikën midis Masters dhe Grandmaster në Overwatch. Y4S3 padyshim që do të jetë interesant nëse të gjitha këto ndryshime vijnë në lojë.

Fansat do të mund të provojnë rework-un e Kanal duke nisur nga dita e sotme në Technical Test Server. Për sa i përket ndryshimeve të hartave të lojës, ato do të vijnë me ardhjen e Operation Ember Rise në të ardhmen e afërt.