Ubisoft ka njoftuar se do të dhurojë €500,000 për të ndihmuar në restaurimin dhe rikonstruktimin e Katerdrales së Notre Dame, e cila është dëmtuar në një zjarr që shkatërroi shumë pjesë të saj.
Në një konferencë për shtyp, Ubisoft gjithashtu i bëri të ditur ndjekëseve se do që të gjithë të kenë mundësinë të eksplorojnë bukurinë mahnitëse të Notre Dame. Për ta mundësuar këtë kompania do të japë falas lojën Assassin’s Creed Unity, e cila është e vendosur në Paris dhe shfaq një version jashtëzakonisht të detajuar të katedrales.
Kjo është e vlefshme vetëm nëse luani në PC. Do të mund ta shkarkoni lojën përmes Uplay ose website-it të Assassin’s Creed. Do të keni vetëm një javë kohë për të përfituar nga ky rast.
Mendohet se Caroline Miousse, dizajneri kryesor i lojës, ka shpenzuar rreth dy vite për të ndertuar Katedralen. Miousse ka punuar me artiste dhe historianë të ndryshëm për tu siguruar që as një tullë të mos ishte në vendin e gabuar. Harta dixhitale e Ubisoft në këtë rast mund edhe të jetë e dobishme në tentativat e restaurimit.
Nëse nuk keni patur kurrë mundësinë ta shikoni nga afër Katedralen e Parisit, mos humbni këtë shans të përkryer. Ju kujtojmë se keni kohë deri në 25 prill.