Twitch ribrandohet dhe vjen me një logo dhe website të ri

Fiks në kohë për TwitchCon 2019

Twitch ka marrë një pamje të re 8 vite pas lançimit të kompanisë.

Shërbimi i streaming Twitch ka lançuar sot një ribrandim total të faqes, duke e zbuluar këtë gjë në blog-un e tyre. Platforma ka ndryshuar paletën e ngjyrave, logon, font-in dhe website-in fiks në kohë për nisjen e TwitchCon 2019.

Platforma ka hequr logon e vjetër dhe e ka zëvendësuar atë me një logo të pastër dhe retro, që të sjell në kujtesë lojërat arcade të viteve ’80. “Twitch do të jetë më i madh dhe më miqësor (dhe me më pak tekst).” – tha Twitch.

Megjithatë, Twitch nuk mund të ekzistojë pa ngjyrën lejla, prandaj kompania ka vendosur ta përdorë sërish si ngjyrë, por duke e ndryshuar dhe duke e bërë më të ndezur, për të përfaqësuar energjinë e komunitetit.

Prioriteti i platformës së streaming është që content creators të jenë pika kyç e komunitetit. Videot tashmë zënë të gjithë faqen dhe chat-i është më i pastër, duke qënë më pak shpërqëndrues nga transmetimi.

Përdoruesit e Twitch padyshim që janë të lumtur që emote-t e famshme nuk do të ndryshohen, kështu që mund të përdorni PogChamp dhe KreyGasm sa të doni.

Së bashku me këtë update, Twitch ka filluar dhe fushatën e tyre të parë: “Ti je që tani pjesë e jona”

“Fushata do të nisë javët e ardhshme dhe është sinonim i kolazhit të gjallë dhe të zhurmshëm të elementëve të ndryshëm që përfaqësojnë komunitetin tonë” – shkruante Twitch.

Fansat do të kenë mundësi të shohin nga afër brandimin e ri të platformës në TwitchCon, që do të nisë sot në San Diego dhe do të vazhdojë deri në 29 shtator.