Kjo veçori mund të krijojë polemika të shumta, por pritet të vijë së shpejti në këtë platformë
Kjo veçori mund të krijojë polemika të shumta, por pritet të vijë së shpejti në këtë platformë
Duket se Twitch po planifikon t’ju japë disa streamer-ave një opsion pay-per-view me disa transmetime vetëm për subscriber-at e tyre. @StreamerNews postoi një tweet për një llogari në Twitch të quajtur hgg_cheering_test. Në tweet ndodhej një screenshot nga stream-i i HGG i cili shkruante “hgg_cheering_test po transmeton për subscriber-at. Ju mund t’a shikoni atë falas për 03:50“.
Mesazhi kishte gjithashtu disa informacione bazë mbi përfitimet e bërjes së abonimit dhe mbyllej me “shikoni dhe flisni në stream-et vetëm për subscribers“.
Kjo lëvizje e qartë drejt formatit pay-per-view u kundërshtua shumë nga përdoruesit e Twitch, të cilët besojnë se të vetmit që përfitojnë janë streamer-at e mëdhenj dhe organizuesit e tournament-eve, duke mos i ofruar asnjë avantazh shikuesëve. Duke parë të dhënat e kanalit, HGG mund të jetë akronimi i Hearthstone Global Games, një kampionat i cili vendos përballë lojtarë nga vende të ndryshme të botës.
Një përdorues i Reddit gjithashtu tha se kishte plotësuar një formular në nëntor, i cili e parashikonte ardhjen e kësaj veçorie, duke i pyetur lojtarët se sa të interesuar ishin për të.
Ende nuk ka asnjë deklaratë zyrtare nga Twitch, megjithatë duket se pyetja që duhet të ngrihet është “kur do të vijë?” dhe jo “a do të vijë?“. Nëse Hearthstone Global Games do të jetë kanali i parë që do të ketë të tilla stream-e, mund t’a shohim këtë veçori të lançuar në 31 maj, kur java e tretë e sezonit të parë të 2019 fillon.