Twisted Fate është kampioni i parë do të vijë në Teamfight Tactics

Studioja e Riot Games do të shtojë një kampion të ri në autobattler-in Teamfight Tactics. Kjo konsiderohet si shtesa e parë në bazën e 50 kampionëve që ka loja. Champi në fjalë mendohet të jetë Cutpurse Twisted Fate.

Një anëtar i skuadrës pas Teamfight Tactics ka postuar një mesazh pak kriptik në Twitter, duke njoftuar se do të ketë një champ të ri në TFT. Imazhi i treguar është shumë i zmadhuar dhe i paqartë, por mjaftonte shkrimi poshtë, për ti ngritur në këmbë të gjithë lojtarët.

Edhe anëtarë të tjerë të skuadrës së Riot i janë bashkuar këtij njoftimi, duke i bërë retweet postimit të mëposhtëm dhe duke shkruajtur: “Kush mund të jetë?” Lojtarët e TFT tashmë e kanë një hamendësim se kush mund të jetë dhe me shumë gjasa kanë të drejtë.

Shumë lojtarë kanë dalë në konkluzionin se kemi të bëjmë me një imazh të Cutpurse Twisted Fate. Nëse shikon me vëmendje krahun e tij të majtë, mund të jesh 99% i bindur se ky imazh është shkëputur nga ai.

As studioja nuk e ka konfirmuar zyrtarisht se Twistet Fate do të vijë në autobattler, por duke marrë parasysh si kanë ecur gjërat, duket se është një gjë gati e sigurtë që do të ndodhi.

Do të duhet të presim dhe të shohim për momentin se kur kampioni do të bëjë hyrjen në skenën e Teamfight Tactics.