Tregut të NFT i ka ardhur fundi

Para pak kohësh shumë produkte filluan të shiteshin në tregun e NFT duke përfshirë këtu edhe vajzën e meme së famshme. Por çfarë është NFT dhe çfarë problemesh po heq së fundmi ky treg?

NFT është shkurtim i fjalës Non-Fungible Token dhe me shumë mundësi po pyesni veten se çfarë është kjo. NFT janë asete digjitale të cilat përfaqësojnë produkte të vërteta si muzikë, art, video ose produkte të ndryshme in-game. Ato mund të shiten ose blihen online në mënyra të ndryshme. Një shembull është meme e “Disaster Girl” e cila u shit për një çmim goxha të madh.

Sipas të dhënave dhe shumë personave të përfshirë në këtë industri, e gjithë skema e krijuar e NFT ishte me shumë mundësi një “scam” e cila ishte ndërtuar për njerëzit që ishin të gatshmë për të investuar dhe që kishin qëllim fitimin e parave.

Tashmë kjo industri është drejt “vdekjes” dhe një studim i ardhur së fundmi nga Protos na sjell të dhënat e fundit. Në këto të dhëna munD të shohim që tregu i NFT ka rënë me 90% dhe se shitjet kane rënë shumë gjatë javëve të fundit. E vetmja gjë që presim së shpejti është zhdukja e këtij tregu.