Një studim i bërë së fundmi ka zbuluar se një proporcion i konsiderueshëm i gamers kanë probleme shëndetsore, për shkak të cilësisë së dobët të gjumit, ngërçeve dhe dhimbjes muskulore.
Studimi i mbajtur nga GamblingDeals mori rreth 8,000 gamers si pjesë e eksperimetit të tij, për impaktin që ka gaming në oraret e gjumit. Ndër ta 41% luanin në PlayStation, 38% luanin në Xbox dhe 17% luanin në PC. Paisjet e tjera të gaming zinin 4% të totalit.
40% e gamers shpenzonin pesë deri në gjashtë orë duke luajtur videolojëra në një mesatare ditore, që ekuivalentohet në 1,825 dhe 2,190 orë çdo vit. Këto nuk janë orë të pakta.
Studimi i pyeti këta gamers nëse prisnin që numri i orëve që shpenzojnë duke luajtur do të rritet pas zgjatjes së karantinës. 80% e tyre ranë dakord që po. Studimi gjithashtu i pyeti se sa orë në ditë flinin dhe rezultatet nuk ishin aspak të kënaqshme. Gjysma e tyre flinin pesë deri në gjashtë orë, që sipas opinioneve mjekësore nuk është mjaftueshëm. 24% e tre tjanë që flinin tre deri në katër orë, që është edhe më keq se ata të parët.
Lojërat që po i mbanin njerëzit zgjuar ishin Minecraft, Rust, Fortnite, Among Us dhe Call of Duty: Warzone. Këto janë lojëra që të mbajnë në një loop të vazhdueshëm, pa qenë i vetëdijshëm se koha po kalon.
Më tej gamers zbuluan se vuanin nga pagjumësia, makthen, dhimba e shpinës, dhimbja e syve, ngërcet e duarve, dhimja e kokës dhe mungesa e përqëndrimit. Jo se duam t’ju trembim por tregohuni të kujdesshëm pasi mungesa e gjumit shkakton sëmundje të zemrës, të gjakut, diabet dhe probleme të tjera shqetësuese.