Thonë që më mirë vonë se kurrë, por kjo është thjesht shumë vonë.
Thonë që më mirë vonë se kurrë, por kjo është thjesht shumë vonë.
Në këtë pikë mund të themi me bindje të plotë se lançimi i Anthem nuk shkoi fare sipas planit. Loja doli në fillim dhe më shumë hapi probleme se i zgjidhi ato, plus vonesat gjigande që skuadra e zhvillimit kishte treguar në përgatitjen e saj, e bënë lojën të klasifikohej si thjesht e keqe.
Gjithsesi, si gjithmonë në raste të tilla ka nga ata njerëz që thonë se ende ka shpresë, se me pak update loja do bëhet, por edhe në këto të fundit vonesa nuk mungoi. Update-i më i hershëm që Anthem supozohej të kishte ishte Cataclysm dhe tani, pas tre muajsh, ai është më në fund live në faqjen zyrtare.
Ky patch i ri sjell disa paisje në lojë, armë melee, drop rate më të mira, lloje të reja armësh dhe versionet Legendary dhe Masterwork të support gear-it. Gjithashtu edhe vështirësitë e Grandmaster 2 dhe 3 janë bërë më të lehta, duke ju dhënë armiqve më pak health dhe shield në dispozicion. Në PC ky patch shkon 15.76 GB.
Tani se çfarë do të thotë kjo për të ardhmen e Anthem mbetet për tu parë, por për të qenë të sinqertë, duket sikur jemi në një pikë ku e ardhmja duket e zymtë për lojën. Shumica e njerëzve e kanë lënë në harresë dhe me gjithë lojërat e reja që do të vijnë së shpejti, dyshojmë se ka ndonjë lojtar që do të shpenzohet për Anthem tani.