Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Heavy Rain, Beyond: Two Souls dhe Detroit: Become Human do të vijnë së shpejti në PC
Tre lojëra ekskluzive për Playstation, të dizenjuara nga studio e David Cage, Quantic Dream, do të vijnë në PC nëpërmjet Epic Games Store. Këto lojëra do të jenë Detroit: Become Human e 2018, Beyond: Two Souls e 2013 dhe hiti i 2010 Heavy Rain. Të tre lojërat do të jenë eksluzive në Epic Store për një vit, pas të cilit ka mundësi që ato të dalin dhe në dyqanet e tjera online, dhe pse kjo ende nuk është konfirmuar.
Lajmi u bë i ditur nga Steve Allison, drejtori i Epic Games Store, gjatë prezantimit të Epic në Game Developers’ Conference ditën e djeshme. Ky lajm vjen pak pas zbulimit se gjigandi kinez NetEase ka blerë një pjesë të aksioneve të zhvilluesit Quantic Dream. Studioja thotë se ata kanë për qëllim të arrijnë një audiencë globale dhe do të investojnë në teknologji të reja për të zhvilluar lojëra për platforma të ndryshme.
“Jemi shumë mirënjohës për 12 vite fantastike bashkëpunimi me Sony Interactive Entertainment e për gjithçka që ata na kanë lejuar të krijojmë e prodhojmë” thotë zv-CEO i Quantic Dream Guillaume de Fondaumiere. “Me këtë bashkëpunim të ri me Epic, ne kemi mundësi t’i zgjerojmë produktet tona drejt fansave të rinj duke i lejuar lojtarët në PC të shijojnë titujt tanë“.
David Cage është një prej dizenjuesëve më të famshëm e më të veçantë të lojërave, i ngjashëm me Hideo Kojima e Ken Levine. Një figurë përçarëse, fansat e tij thonë se ai krijon lojëra inovative të cilat thyejnë çdo limit përsa i përket historive në videolojëra, ndërsa kritikët thonë se eksperimentet e tij rrallë herë funksionojnë e se produkti përfundimtar është zakonisht i çuditshëm ose i mërzitshëm.
