Travis Scott mendohet të ketë fituar $20 milionë për koncertin e Fortnite

Eventi online ishte një sukses i vërtetë.

Koncerti virtual i Travis Scott në Fortnite ishte i madh në shumë mënyra. Vetë Scott ishte si një titan gjatë eventit, që solli 12.3 milion lojtarë të Fortnite në lojë për ta ndjekur. Sigurisht që një event i tillë ka sjellë një përfitim gjithashtu të madh për Scott, i cili sipas Forbes ka fituar rreth $20 milionë nga ky koncert.

Kjo është një shifër pa llogaritur pjesën e taksave, por prapëseprapë mbetet e madhe. Sipas raportimit fitimet ishin edhe më të larta se koncertet e tij të zakonshme. Diçka kjo edhe më mbreslënëse kur merr parasysh se i gjithë seti zgjati për vetëm pesë minuta.

I gjithë organizimi i eventit mori kohën e tij dhe Scott dhe Epic i diskutuan detajet me muaj të tërë. Gjithsesi, Scott kurrë nuk shkoi në zyrat e Epic në North Carolina.

Epic refuzi të komentonte mbi shifrën e $20 milionë, por duke marrë parasysh se çfarë suksesi pati eventi, do të thonim që deri diku bën sens si numër.