Travis Scott do të sjellë këngën e tij të re në Fortnite këtë javë

Ai gjithashtu do i bashkohet Fortnite Icon Series me një veshje dhe emote.

Producenti dhe rapperi i nominuar për Grammy, Travis Scott, do të bëjë një mini-tour në Fortnite. Nga datat 23-25 prill Scott do të performojë pesë koncerte në lojë për lojtarët anë e mbanë botës, që do të sjellin edhe premierën e këngës së tij më të re të quajtur Astronomical.

Në një sens metaforik portat e koncertit do të hapen 30 minuta përpara secilës shfaqje:

• 23 prill – Amerikat – 7PM EDT
• 24 prill – EU & ME – 10AM EDT
• 25 prill – Azi & Oqeania – 12AM EDT
• 25 prill – EU & ME – 11AM EDT
• 25 prill – Amerikat – 6PM EDT

Scott nuk është këtu vetëm për të luajtur muzikë. Ai do të bëhet më tej pjesë e lojës përmes Fortnite Icon Series, një koleksion cosmetics brenda lojës, i frymëzuar nga artistë dhe content creator, që përfshijnë: Ninja, Jordan Fisher, Pokimane dhe Elly.

Lojtarët e Fortnite do të mund të marrin veshjet, emotes dhe items të tjerë të Scott brenda lojës. Kushdo që merr pjesë në eventin Astronomical gjithashtu do të shpërblehet me Astroworld Cyclone Glider dhe dy loading screens falas.

Koncerti i Travis Scott vjen thuajse një vit pas atij të Marshmello, që u raportua të tërhiqte më shumë se dhjetë milionë shikues në lojë dhe miliona të tjerë që panë online. Koncerti i Scott ka gjasa të arrijë shifra më të mëdha, duke marrë në konsideratë faktin që jemi në mes të një pandemie.

Kënga më e fundit e Scott ishte Highest in the Room. Nuk besojmë se ka mbetur njeri pa e dëgjuar, por po e vëmë linkun poshtë për çdo rast.