Travis Scott mbajti koncertin e parë në Fortnite mbrëmë, duke sjellë hapjen e Astronomical dhe duke ju dhënë lojtarëve një kujtim që nuk kanë për ta harruar.
Pasi countdown-i i koncertit vajti në zero, disa anije kozmike filluan të vinin drejt skenës. Kur anija kozmike që kishte një boxer të madh të qendër u ul në skenë, Travis Scott u transformua në një figurë gjigande dhe i shtyu tutje me disa metra të gjithë pjesëmarrësit e koncertit.
Në pesë minutat e ardhshme, Scott këndoi teksa disa kërcimtarë holografikë performonin rreth e qark tij. Në momente të caktuara Scott ndryshoi të gjithë botën e lojës për lojtarët.
Në fillim ai përplasi duart, gjë që shkaktoi që qielli të kthehej portokalli dhe të binte shi zjarri. Qielli më tej mori nuanca bluje përpara se të bëhej i errët. Rrufe drite të ylberta filluan të vëreheshin nëpër qiell, përpara se Scott dhe lojtarët të shkonin nënujë.
Kur lojtarët dolën ata fluturuan drejt qiellit dhe kaluan ishuj të ndryshëm, që lojtarët kanë teorizuar se mund të jenë harta të ardhshme që mund të luhen.
Anija pas aventurave të shumta natyrore të koncertit përfundoi duke shpërthyer. Kjo bëri që lojtarët të kalonin dimensione të ndryshme kohore, në një pikë duke hasur edhe fluturën që u shfaq në eventin e lojës në nëntor të 2018s. Në fund lojtarët u rikthyen në hartë, duke sinjalizuar fundin e koncertit.