Training mode në Apex Legends do të ndryshohet së shpejti

Do të mund të eksperimentoni me personazhe, aftësi dhe armë lirshëm

Training në Apex Legends momentalisht nuk është shumë interesant, pasi ofron vetëm një tutorial të thjeshtë që të mëson komandat bazë të lojës përpara se të luash ndeshjen tënde të parë. Për shkak të kërkesave të shumta, duket se kjo do të ndryshojë, duke e bërë këtë mode më të vizitueshëm.

Duke filluar nga ky sezon, lojtarët e rinj dhe të vjetër mund të testojnë çfarë kombinimi armësh, personazhesh dhe aftësish që duan. Në pamjet e treguara në Apex Devstream, mund të shikoni gjithçka që ofrohet.

Drejtori i dizajnit Chad Grenier thotë se kjo i jep mundësi Respawn për të eksperimentuar, duke hedhur shenja drejt veçorive dhe shtesave të kërkuara nga lojtarët. Edhe pse momentalisht training mode thjesht të mëson komandat bazë, lojtarët duan një vend për të eksperimentuar me ndryshimet e meta-s në lojë.

Miqtë tuaj gjithashtu mund të bashkohen dhe ju mund të gjuani së bashku. Gjithashtu mund të talleni me njëri-tjetrin ndërkohë që prisni dikë tjetër të futet në lojë.

Zhvilluesit gjithashtu folën për eventin Fight and Fright këtë Halloween. King’s Canyon do të bëhet i frikshëm dhe ju mund ta shihni atë në video. Gjithashtu zbulohet dhe historia e krijimit të hartës origjinale.

Fight and Fright do të nisë nesër dhe edhe pse update i trajnimit nuk ka ardhur akoma, Respawn thotë se do të vijë së shpejti.