Traileri i sezonit të dytë të Apex Legend është bërë leak

Sado që sezoni i dytë i Apex Legends do të vijë në 2 korrik, leakers nuk mund të rrinin dot rehat pa e nxjerrë trailerin e sezonit të dytë para kohe. Videoja ju jep fansave disa pamje të vogla, për të krijuar një ide më të mirë se çfarë duhet të presin në këtë sezon të ardhshëm të lojës së Respawn.

Nëse trailer-i është i vërtetë, bishat janë duke pushtuar Apex Legends. Diçka duket se ka shkatërruar repulsor-in, mjetin që e mban zonën e sigurt nga të gjitha ato. Traileri nuk tregon nëse lojtarët do të kenë ndërveprim me këto krijesa, por është e sigurt që nuk do të keni vështirësi ti shihni duke fluturuar vërdallë në ishull.

Traileri gjithashtu tregon edhe aftësitë e Wattson dhe dy nga finishers-at e saj. Njëra prej tyre është Perimeter Security, që krijon një gardh elektrik që dëmton dhe ngadalëson armiqtë. Gjithashtu tregohet edhe Interception Pylon, ultimate-in e saj.

Sado që ky trailer është mjaft bindës dhe duket të jetë i vërtetë, sërish do ju sugjeronim që të prisnit që Respawn të publikojë trailer-in zyrtar, sot në orën 12.