Me pamje të shkurtra nga Batman
Me pamje të shkurtra nga Batman
Është mirë të shohësh dikë që e shijon punën e tij, edhe nëse kjo punë përfshin vrasjen brutale të luftëtarëve të Mortal Kombat 11. Joker është shtimi i parafundit i DLC-së së lojës së tmerrshme ‘fighting’ të NetherRealm, që do të vijë më vonë gjatë këtij muaji në ‘early access’, por para kësaj ju mund ta shihni atë në veprim në trailerin më poshtë.
Kllouni Princ i Krimit në Gotham është pak më pak i përmbajtur se sa ai në homologun e DC-së, Injustice, duke rënë në sy në gjaku dhe sakatime nga më të ndryshmet. Arma e tij e zgjedhjes është një bastun (që mesa duket nëse di ta përdorësh, shkakton shumë dëm), por ai ka një listë të tërë me truke të tmerrshme, nga një dorezë e madhe boksi – e kompletuar me kyçe prej bronzi, tek një kukull e lezetshme Batman, që është gjithashtu një armë.
Bats nuk është i vetmi personazh i DC që del në skenë së bashku me Joker, pasi duket se luftëtarët e tjerë do të jenë në gjendje të vishen si disa nga partnerët në krim të Joker. Baraka bën një imitim të bukur të Killer Croc, Noob Saibot duket të jetë Batman Who Laughs, Kitana ka sjellë mitet e saj në disa kozmetika si Catwoman, ndërsa Geras është duke mbajtur një ‘skin’ të Darkseid.
Nëse zotëroni paketën DLC, ju do të luani si Joker herët, më 28 Janar, përpara se ai të mund të blihet nga kushdo më 4 Shkurt. Kjo lë një karakter të fundit DLC, Spawn. Ai do të dalë më 26 Mars në ‘early access’ dhe të gjithë do të jenë në gjendje ta blejnë më 2 Prill.