Nostalgjia godet fort në këtë trailer
Nostalgjia godet fort në këtë trailer
Të gjithë fansa dhe jo fansa të FIFA e dinë se pjesa më e bukur rreth FIFA 20 këtë vit është VOLTA mode. Kjo është një mënyrë pak më ndryshe e të luajturit, që i përngjason FIFA Street, por jo me rregulla kaq strikte. EA tashmë ka publikuar një video të gameplay-it të VOLTA dhe jemi të sigurtë që do ju bëjë të ndjeheni shumë nostalgjikë.
Lançimi i FIFA 20 është shumë afër dhe duhet ta pranojmë që EA Sports ka zbuluar mjaft detaje të reja për lojën kohët e fundit. Më e fundit, siç e thamë ishte traileri i VOLTA. Videoja shkon përtej bazave të mode-it dhe përfshin në të gameplay-in, opsionet e ndryshmte të personalizimit, si duket si do të ndjehet etj.
Gameplay është pikërisht një nga pikat më të mëdha të interesit kur vjen puna te VOLTA dhe tani kemi një ide më të mirë të mekanikave dhe rregullave thelbësore që ky mode do të ndjekë. Lojtarët do të kenë opsionin e të luajturit 3v3 Rush (pa portiera), 4v4, 4v4 Rush, 5v5 dhe Professional Futsal. Secila prej këtyre do të ketë rregullat dhe veçoritë e veta.
Gjithashtu do të ketë 17 ambjente të ndryshme ku lojtarët mund të shijojnë të luajturin në VOLTA. Këtu mund të përfshijmë disa peizazhe mahnitëse nga vende të ndryshme të botës.
Përsa i përket personazheve, lojtarët do të kenë kontroll të plotë mbi ta në VOLTA, përfshirë këtu ndërtimin fizik të tyre, pamjen, rrobat, pajisjet që do të veshin dhe do të dinë se cilat skill do ju bëhen upgrade dhe kur. Kjo do të krijojë një varietet masiv mes lojtarëve të FIFA 20.
VOLTA do ju japë mundësinë lojtarëve të zgjedhin se si duan ta luajnë mode-in. Ju do të keni në dispozicion VOLTA Story, VOLTA Tour, VOLTA League dhe VOLTA Kick-off.
Dje, EA publikoi edhe ndryshimet e detajuar për Career Mode ndaj klikoni linkun këtu nëse doni ti lexoni. FIFA 20 do të lançohet në 24 shtator për PlayStation 4, Xbox One dhe PC.