Ka një listë të shkurtër gjërash që një person dëshiron në një lojë Just Cause dhe shumica e tyre janë shpërthime. Okay shpërthime, ndjekje me makina, armë dhe Rico Rodriguez për të na vjedhur vëmendjen.
Traileri i cili sapo ka debutuar është një tjetër këndvështrim aksioni i Amerikës se Jugut në një vend imagjinar të quajtur Solis. Solis është një vend me male, mot të çmendur dhe një ushtri mercenarësh të quajtur Black Hand. Heroi ynë Rico shfaqet për të çliruar popullatën dhe për të shpëtuar vendin. Në Just Cause 4 ai shfaqet më shumë si një ndjekës tornadosh, pasi në trailer moti mund të shkaktojë po të njejtat dëme si edhe Rico.
Just cause 4 po ndjek një formulë shumë interesante. Ashtu si në lojën e tretë, edhe këtu do të përpiqeni të merrni territor nga forcat armike, por në Just Cause 4 do e beni duke ndihmuar një grup rebelësh. Gjithashtu zhvilluesi Avalanche shpjegoi këtë javë se si Just Cause 4 iu lejon të ndërtoni automjete duke përdorur sistemin ndërtues snap-together.
Data e lançimit të Just Cause 4 është fillimi i muajit të ardhshëm. Ndiqni trailerin më poshtë: