Anthem i BioWare është shumë më ndryshe nga lojërat e mëparëshme të kësaj studioje, por zhvillluesi vazhdon ti sigurojë fansat se historia dhe zhvillimi i personazheve që ata po presin nga trashëgimia e tyre RPG do të vazhdojë të qëndrojë.
Traileri i Anthem u zbulua mbrëm në ceremoninë e The Game Awards dhe qëndroi larg imazheve të gameplay-it duke paraqitur detaje që mëshojnë më fort mbi historinë e lojës.
Traileri i ri tregon antagonistin e historisë me gjithë anticipimin që mund të prisnim nga një personazh i BioWare. Ai dëshiron të mbylli gjithë këtë “vuajtje të panevojshme” me fuqinë e Anthem. Ka edhe më shumë së kaq ndaj shikojeni trailerin e plotë poshtë.