Zbulohen zyrtarisht trailer-i dhe harta e Call of Duty: Warzone

Është e vërtetë dhe është falas

Call of Duty: Warzone, mode-i i ri battle royale, është zbuluar zyrtarisht për lojtarët në një trailer të ri.

Trailer-i i ri i zbuluar sot dhe i bërë leak më herët konfirmon se ky mode do të jetë free-to-play për këdo me dy game modes. Një prej tyre quhet Plunder, ndërkohë që një tjetër është battle royale tradicional.

Trailer-i kinematik zbuloi datën e lançimit 10 mars. Pra, Warzone do të vijë nesër. Ka kohë që kemi parë leaks të shumtë për këtë mode, por tani ai është konfirmuar zyrtarisht.

Ky mode do të suportojë 150 lojtarë në Solos, Duos dhe Trios. Warzone përmban harta nga disa lokacione të Call of Duty, siç janë Scrapyard dhe Terminal. Harta do të ketë stacione blerjesh ku lojtarët do të blejnë tokens për t’u rihedhur, killstreaks dhe kits për t’u ringjallur.

Harta e Call of Duty: Warzone është mjaft e madhe. Në të ndodhen disa contracts që të shpërblejnë me para për t’i shpenzuar në ndeshje. Ajo gjithashtu tregon edhe vendndodhjet e Buy Stations.

Activision konfirmoi se ky mode do të ketë automjete, përfshirë këtu një ATV, një rover, një SUV, një kamion dhe një helikopter.

Warzone do të ketë një mekanikë të re ku lojtarët që vdesin herët do të shkojnë në Gulag, ku do të ndeshen 1-kundër-1 me lojtarët e tjerë për të patur mundësi për t’u ringjallur.