Gjithçka thuajse ka mbaruar
Gjithçka thuajse ka mbaruar
Prilli ka ardhur, çka do të thotë se fillimi i fundit të Game of Thrones është afër. Si pjesë e sulmit të saj promocional për sezonin përfundimtar, HBO ka nxjerrë 2 video promocionale për sezonin 8 të Game of Thrones.
E para quhet “Together” (Së bashku) dhe përmban fjalime të shkurtra nga motivues nga Tyrion dhe Jon, ndërsa shikojmë përgatitje për një luftë në Winterfell. I dyti quhet “Survival” (Mbijetesë) dhe ka në të dragonj që fluturojnë mbi Winterfell e të bëjnë të kujtohesh se ky është vërtet fundi.
Videot përmbajnë xhirime që ne i kemi parë më herët, por edhe pamje të rreja që na tregojnë më shumë për mbylljen epike të këtij seriali dramatik fantastik. Mund t’i shikoni të dyja më poshtë:
Premiera e sezonit 8 të Game of Thrones do të jetë në 14 prill, ndërsa pesë episodet e ardhshme do të transmetohen çdo javë deri në mes të majit. Edhe pse janë vetëm gjashtë episode, ato do të jenë në total 432 minuta, rreth 7.2 orë.
Trailer-i i plotë i sezonit 8 të Game of Thrones u prezantua në mars. Ai fokusohet në ndërtimin e skenës epike kundër Night King dhe ushtrisë së të vdekurve në Winterfell.
Game of Thrones po mbaron, por një prequel do të vijë, i cili do të drejtohet nga Jane Goldman, me historinë e zhvilluar nga shkrimtari George RR Martin. Ky serial pritet të nisë xhirimet herët këtë verë, por janë kërkuar vetëm episode pilotë, pra nuk dihet nëse ky spin-off do të jetë pjesë e serialit.