Mbreslënëse, duhet ta pranojmë.
Mbreslënëse, duhet ta pranojmë.
Assassin’s Creed është një nga seritë e videolojërave me shitjet më të mira dhe kjo është diçka që shumë prej nesh tashmë e dimë, por sado që ka mbi një dekadë në krye të listave, Ubisoft nuk ka në plan të ndalpjë. Disa të dhëna të publikuara konfirmojnë se seritë e Assassin’s Creed kanë shitur mbi 140 milion njësi.
Në këto të dhëna të publikuara nga analisti i industrisë Daniel Ahman, vërtetohet një herë e gjithmonë që Assassin’s Creed është loja më e shitur e Ubisoft. Me 140 milion njësi të shitura dhe 95 milion lojtarë unikë, loja pozicionohet mbi emra të mëdhenj si Far Cry dhe Splinter Cell.
Sigurisht që të gjitha këto shitje vijnë nga një total prej më shumë se 20 lojërash, por nuk mund ta mohojmë se kemi të bëjmë me një shumatore mjaft mbreslënëse. Mbi të gjitha kur merr parasysh edhe rritjen që kanë patur këto seri përgjatë viteve të fundit. Në 2016n, Ubisoft zbuloi se këto seri kanë shitur mbi 100 milion kopje, gjë që na lë të kuptojmë se në tre vite, Assassin’s Creed ka shitur më shumë se disa nga prodhimet më të famshme të Ubisoft.
Sigurisht që ky fenomen është ndihmuar nga dy hyrjet më të reja të serive. Origins e 2017, që dyfishoi shitjet e Syndicate për vetëm dhjetë ditë dhe Odyssey, që Ubisoft deklaroi se doli edhe më mirë në shitje. Me shumë gjasa këto kanë qenë kontribueset kryesore të 40 milion shitjeve të bëra që nga 2016, por edhe lojërat e tjera kanë patur kontributin e tyre.
Në një të ardhme jo të largët, këto shifra do të rriten edhe më shumë. Loja e vitit të ardhshëm, e cila mendohet të vendoset në Skandinavinë e sunduar nga Vikingët, do i shtyjë edhe më lartë shifrat e shitjeve. Nëse ndjek hapat e dy paraardhësve të fundit, e sigurtë që do e kalojë kufirin e 150 milionë.