Java e 7 e sezonit të katërt të Fortnite ka sjellë sfida të reja për lojtarët. Këtë javë një nga detyrat më të vështira ju kërkon që të zbuloni laboratorin sekret të Tony Stark në Lake House. Ja se si mund ta bëni këtë gjë:
Duke marrë parasysh që është laboratori sekret i Stark, nuk do shumë mend që nuk do e gjeni të shënuar në hartë si vendndodhje. Ajo që e bën edhe më të vështirë është që ka disa liqene në ishull. Lajmi i mirë është që është konfirmuar se laboratori ndodhet në pjesën veri-lindore të hartës, afër Steamy Stacks dhe në anën tjetër të liqenit nga Stark Industries.
Pasi të keni shkuar te liqeni, duhet të gjeni shtëpinë pranë liqenit, që është mu në cep të ujit, me disa shkurre masive rreth e qark tij. Mos u futni brenda me idenë se do gjeni laboratorin aty, pasi ai është jashtë.
Drejtohuni për te shkurret që gjenden jashtë dhe përdorni pickaxe-in tuaj për ti thyer ato. Kjo do të hapë një derë të veçantë që do ju çojë në laboratorin sekret të Iron Man. Pasi të futeni brenda do të kuptoni që nuk është se ka shumë gjëra që mund të bëni aty brenda. Ndoshta të mblidhni pak loot.
Në momentin që do të ndodheni brenda të laborator, do të merrni një njoftim në të majtë të ekranit tuaj që do të konfirmojë që ju e keni plotësuar sfidën.