Tom Holland ndan pamjet e para të xhirimeve të Spider-Man 3

Tom Holland, Spider-Man-i i famshëm i Marvel, ka postuar pamjet e para të xhirimeve në setin e filmit Spider-Man 3, bashkë me një teaser për të.

Pas lodhjeve të mëdha që u kaluan për ta sjellë këtë film, me gjithë konfliktin mes Sony dhe Marvel për këtë personazh, Jamie Foxx është konfirmuar se do të bëjë një rikthim si Electro, me Tobey Maguire dhe Andrew Garfield që gjithashtu pritet të bëjnë një rikthim.

Pasi pati dy kostume të reja në Spider-Man: Far From Home, ka shpresa që filmi i tretë gjithashtu mund të sjellë një look të ri për njeriun tonë merimangë. Në një postim të bërë në Instagram, Tom Holland tregoi foton e parë të asaj që do të vishte personazhi i tij.

Duket se filmi i tretë do të fillojë aty ku u shkëputën gjërat te i pari, me Holland në kostumin e tij kuq e zi, fiks për shqipot. Kjo nuk është ndonjë çudi e madhe, duke marrë parasysh se si u mbyllën gjërat në filmin e dytë, ku Peter Parker ju zbulua identiteti nga Mysterio.

Gjasat janë që Peter do e ndërrojë sërish kostumin gjatë filmit, por është ende herët për ne që ta shohim atë.

Me trailerat e dy filmave të parë të Spider-Man që kanë dalë në datë 8 dhjetor, do të presim që edhe filmi i tretë të ndjekë të njejtën traditë. Spider-Man 3 si film pastaj, do të dalë në 16 dhjetor të 2021. Nja një vit më vonë dmth, por besojmë se pritja do ja vlejë.