Një javë pasi mbaroi të gjitha detyrimet e tij me Uncharted dhe pasi patëm mundësi të shihnim pamjen e parë të Tom Holland si Nathan Drake, aktori është gati për projektin e tij të ardhshëm. Cili është ky? Sigurisht që vazhdimi i Far From Home, Spider-Man 3.
Aktori 24-vjeçar postoi një story në Instagram dhe pa e fshehur fare entuziasmin tha:
“Sapo zbrita në Atlanta dhe është koha për Spider-Man 3!”
Let’s Goooooo!
— The Playlist 🎬 (@ThePlaylist) October 26, 2020
Tom Holland says it's time for 'Spider-Man 3' 🕸 pic.twitter.com/H9UsGJUMb9
Nga kjo pra kuptojmë se xhirimet do të fillojnë në ditët e ardhshme për filmin, që do të jetë nën regjinë e Jon Watts. Ka patur disa thashetheme muajt e fundit se Tobey Maguire dhe Andrew Garfield mund të luajnë versionet e tyre të Spider-Man sërish. Gjithashtu pritet që Jamie Foxx të luajë Electro sërish nga The Amazing Spider-Man 2.
Sado që data e lançimit për Spider-Man 3 është vendosur për në 17 dhjetori 2021, është e mundur që të ketë vonesa për shkak të pandemisë.